کوئٹہ۔ 23 مئی (اے پی پی) وزیراعلیٰ بلوچستان میر عبدالقدوس بزنجو ، بنجائی وزیر مولانا عبدالواسع نا اُراغا ہنا، ہڑتوم آ راہشون تا نیام اٹ ہموڑے بھاز جوان چاگڑد اٹ اوڑدہی مس۔ وزیراعلیٰ و بنجائی وزیر نا نیام اٹ صوبہ نا سیاسی حالیت و تین پہ تینی است خواہی نا ایلو امور آ سرجم گپ وتران کننگا۔ اوڑدہی ٹی ضلع شیرانی نا جنگل آتیٹی لگوک آ خاخرنا مون ءِ توننگ کن برجا گام گیج و ہندی مخلوق نا امداد و بحالی نا باندات آتیا ہم گپ وتران کننگا۔ داہیت آ امنا کننگاکہ بنجائی و صوبائی حکومت جنگل آتا خاخر نا مون ءِ توننگ و زہمی مخلوق نا کمک جنگل و جنگلی حیات نا بحالی و رکھ ءِ پک کیرہ ، داوخت آ صوبائی وزیر میر محمد خان لہڑی و نورمحمد دمڑئسک ہم ساڑی ئسر۔ قائد حزب اختلاف ملک سکندر خان ایڈووکیٹ صوبائی اسمبلی نا باسک یونس زہری و جے یو آئی نا مجلس عامہ نا باسک ہم دیوان اٹی ساڑی ئسر۔
