کوئٹہ۔ 23 مئی (اے پی پی) محکمہ موسمیات پارینے کہ چاغی ، خاران ، نوشکی و واشک اٹی 4 تُو اٹی 17 درسد کم پِر مس ہراڑآن خشک سالی نا حالیت ودی مسنے۔ محکمہ موسمیات نا جاری کروک حساب وکتاب نا رداٹ بلوچستان اٹی جنوری آن اپریل اسکان 17 درسد کم پِرمس غٹ آن کم پِر فروری ٹی 89.3 درسد وخت اس کہ مارچ اٹی 68 و اپریل اٹی 79.6 درسد کم پِر مس۔ محکمہ موسمیات نارپورٹ نا رداٹ صوبہ نا دیکی و سویل دیکی علاقہ غاک یخ انا پِر تیا سیبو تخرہ ولے ہیٹ ویو نا سوب آن چاغی ٹی خشک سالی نا حالیت ودی مننگ ءِ وخت اس کہ خاران ، نوشکے وواشک اٹی ہم خشک سالی نا حالیت ءِ۔ رپورٹ اٹی کشت وکشار، دیر انا کوڑی، ساہدار و خریف آتا فصل آتا زہمی مننگ نا ہم پیش گوئی کننگانے وخت اس کہ دا بابت تعلقدار محکمہ غاتے پیشگی گام گیج کننگ نا سلاہ تننگانے۔
