راولپنڈی۔ 23 مئی (اے پی پی) انسداد منشیات فورس و سیکورٹی ادارہ غاک اسیجائی کارروائی کرسا ٹرک آن 65.800 کلوگرام منشیات دوئی کرسا 2 دوبہ دار ءِ دزگیر کریر۔ ترجمان اے این ایف پارے کہ فورس آک اودیم حوال آتیا کراچی، گڈاپ ٹاؤن ناعلاقہ ناردرن بائی پاس نا خڑک کارروائی کرسا ٹرک انا اودیم خانہ غاتیٹی ڈکھوک 65.800 کلوگرام چرس دوئی کرسا دوبہ دار عصمت اللہ و خیراللہ ءِ دزگیر کرینو۔ اے این ایف انسداد منشیات ایکٹ نا رداٹ مقدمہ درج کرسا جاست وپاست نا بناءِ کرینو۔
