اسلام آباد۔22مئی (اے پی پی): بنجاھی وزیر برائے موسمی مٹ ءُ بدلی سینیٹر شیری رحمان ءَ گوشت کہ خیبر پختونخوا ءُ اسلام آباد ءِ مارگلہ کوہ آنی سر ءَ لگ اتگیں آس ءَ را گر ءُ دار کنگ ءِ واستہ کار گوں ترندی ءَ جاڑی انت۔ یک شمبے ءِ روچ ءَ وقتی یک ٹویٹے ءِ اندر ءَ بنجاھی وزیر ءَ گوشت کہ سہب ءِ سر ءَ چہ آس ءِ گر ءُ دار کنگ بوتگ ات بلے پدا نیم روچ ءِ 3 بج ءَ پدا آس چست بوتگ، ترندیں گرمی ءُ گوات ءِ سبب ءَ آس ءِ گر ءُ دار کنگ ءَ سک باز مشکل آنی گوما دیم پہ دیمی انت۔ 70 ءَ گیش فائر فائٹرز آس ءِ توسگ ءِ واستہ کوشست کنگ ءَ اَنت، سی ڈی اے ءَ را گیش فائر فائٹرز آنی ضلورت بوت کنت۔
