اسلام آباد۔22مئی (اے پی پی):پاکستان ءُ چین ءَ یک ءِ دومیگ ءِ بنیاتی سیت ءُ ارزشتی ایں کار آنی واستہ وتی مھکمیں ھمبراھ داری ءُ ٹوھیں سیاسی تک ءِ کمک آ ں ھوار سٹریٹیجک رابطہ آناں جھلانک کنگ ءِ جزم ءِ درشان ءَ کنان ءَ گوشتگ کہ دمگی ءُ میاں اوستمانی مٹ ءُ بدلی ءِ رد ءَ چین ءُ پاکستان ءِ نیام ءَ اسٹریٹیجک یکوئی آنی ارزشت گیش بوتگ انت۔ پریک آں الس ءِ گہبود ءُ ھندی کمیونٹیز آناں گیشاں چہ گیش سیت پجاری ءِ واستہ دیمروئی گامگیج آناں ھمگام کنگ ، سی پیک ءِ توامیں منصوبگ آناں محفوظ، ءُ جوان کنگ ءُ دیمروئی دیگ ءُ معیشت ءُ تجارت ، سرمایہ کاری، صنعت، کشت ءُ کشار ءُ جان سلامتی ءُ سائنس ءُ ٹیکنالوجی وڑیں شوبگ آنی تہ ءَ کمک آناں دیمروئی دیگ ءِ پکوئیں جزم ءِ درشان کتگ۔ دوئیں ملک آں دمگی ملک ءُ میاں اوستمانی برات آناں ناشرکاری ءِ توامیں نمونگ آں گوں گر ءُ چیل بوھگ ءِ جزم ءِ درشان کتگ ، اچ کس چین ءُ پاکستان ءِ نیام ءَ مھکمیں براتی ءُ یکوئی آناں تاوان پجاری کنگ ءِ موہ ءَ نہ دنت۔ پاکستان ءُ چین ءَ اے جزم ءِ درشان کتگ کہ یک ایمن ءُ وشھالیں جنوبی ایشیا توامیں پریک آنی یکجائی سیت ءَ ءُ میاں اوستمانی رنگ ءَ سامان آنی قیمت ، موسمی مٹ ءُ بدلی ءُ گریبی ءُ شد لاپی ءِ گر ءُ دار سک باز المی انت۔ چین ءِ سٹیٹ قونصلر ءُ وزیر ءِ درئی کار وانگ یی ءَ پاک چین ا سٹریٹیجک ڈائیلاگ ءَ بھر زوری ءِ و استہ وزیر ءِ درئی کار بلاول بھٹیو زرداری ءِ نیمگ ءَ پاکستان ءِ تر ءُ تاب ءِ دعوت ءَ را قبول کت۔ اے گپ وزیر ءِ درئی کار بلاول بھٹو زرداری ءِ چین ءِ تر ءُ تاب ءِ گڈ ءَ جاڑی بوتگیں 15 ٹکی جار ءِ تہ ءَ گوشگ بوت۔
