اسلام آباد۔22مئی (اے پی پی): مزن وزیر محمد شہباز شریف ءَ را صوبہ بلوچستان ءِ دمگ شیرانی ءَ جنگل ءَ را آس لگگ ءِ بابت ءَ رپوٹ پیش کنگ بوتگ ایشی ءِ اندر ءَ آماچیں دمگ آنی جاڑیگیں آپریشن آنی بابتءَ سرجمیں ھال ھوار انت۔ گوستگیں روچ ءَ لاہور ءَ یک دیوانے ءِ ساھت ءَ مزن وزیر محمد شہباز شریف ءَ سیادی داروکیں کارندہ آناں آس ءِ گر ءُ دار ءِ واستہ کوشست آناں ترند کنگ ءُ ایشی ءِ ھوالگ ءَ رپوٹ گوانک جتگ بوتگ۔ مزن وزیر میڈیا کارگس ءِ نیمگ ءَ جاڑی کتگیں سرجمیں ھال آنی رد ءَ بنجاھی ءُ صوبائی محکمہ آنی یک ٹیمب ءِ جوڑ کنگ بوتگ۔ ایشی ءَ ھوار محکمہ جنگلات ءُ جنگلی دلوت ، آنی محکمہ ءَ جاور آنی چار ءُ بچار ءِ واستہ یک کنٹرول روم ءِ جوڑ کتگ وھدیکہ ژوب ءَ کمشنر ءَ آماچیں دمگ آنی تہ ءَ ایمرجنسی جتگ۔ مزن وزیر ءِ کرا جم بوتگیں رپوٹ ءَ گوشگ بوتگ کہ چی سیکرٹری بلوچستان، سیکرٹری جنگلات، ءُ پی ڈی ایم اے ءِ ڈائریکٹر جنرل ءَ آماچیں دمگ آنی تر ءُ تر ءُ تاب کتگ ۔ ایشی ءَ ھوار این ڈی ایم اے ءَ ضلوریگیں ساز ءُسامان پجاری کنگ ءَ انت، پاک فوج ءَ جاڑٰیگیں آپریشن ءِ واستہ دو ہیلی کاپٹر داتگ وھدیکہ آرمی بیس کیمپ ھم جوڑ کنگ بوتگ۔
