اسلام آباد۔22مئی (اے پی پی): مزن وزیر ءِ پنت ءُ شون ءِ پد ءَ پیر کوہ ڈیرہ بگڑی ءَ حکومت ءِ وھد ءُ موہ ءِ سر ءَ گامگیج آنی بدولت ءَ سیاہ لاپ ءِ ھوپ ءَ را گر ءُ دار کنگ بوتگ۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ 3615 آماچیں مردم آناں سرجمیں جان سلامتی ءَ چہ پد ہسپتال ءَ زیر علاج مریض آنی کساس ایوک ءَ سئے پشت کپتگ۔ دو شمبے ءَ پیر کوہ ڈیرہ بگٹی ءَ گوستگیں روچ ءَ سیاہ لاپ ءِ کپگ ءَ چہ مزن وزیر شہباز شریف ءِ ھاسیں پنت ءُ شون ءِ پد ءَ ھوپ ءِ گر ءُ دار ءِ واستہ انتظامی کنگ بوتگ، اے رد ءَ مزن وزیر ءَ را حکومت ءِ بلوچستان ءِ نیمگ ءَ چہ یک پکوئیں رپوٹ ءِ پیش کنگ بوت۔ رپوٹ ءِ رد ءَ پیر کوہ ڈیرہ بگٹی ءَ سیاہ لاپ ءِ نادُراھی ءِ شنگ بوھگ ءِ سبب چمگ ءِ آپ ءِ ورگ ءَ چہ بوتگ۔ مزن وزیر ءِ پنت ءُ شون ءَ چہ پد ایشرا بندش جنگ ءُ پد ءَ ایشی ءِ ساپ کنگ ءِ واستہ کلورین جنگ ءُ پد ءَ ایشرا لس مھلوک ءِ واستہ پچ کنگ بوت۔
