اسلام آباد۔22مئی (اے پی پی): مزن وزیر محمد شہباز شریف ءَ گوشت کہ مسلم لیگ ن ءَ گوں کسد ءُ کینگ ءِ سبب ءَ عمران خان ءَ گریبیں الس ءِ گہبود ءِ ارزشتی ایں راجہ منصوبگ آناں تاوان پجارینتگ، سیاسی بیگیری، زاواروکی ءَ ابید عمران خان ءِ کرا دگہ اچ نیست، ملک ءَ سول وار ءِ کوشست عمران خان ءِ ردئی اِنت، راج آئی ءَ را اچبر موہ نہ دنت۔ لکھانی مردم آنی قربانی ءُ کروڑانی مردم آنی نیک دعا ءَ چہ جوڑ بوھوکیں پاکستان شات ءُ سلامت بات۔ جمہوریت بیت گڈا ملک مھکم بیت ءُ ما دیم ءَ جنزت کناں۔ یک شمبے ءِ روچ ءَ لاہور ءَ میڈیا ءَ گوں تران کنان ءَ مزن وزیر محمد شہباز شریف ءَ گوشت کہ پاکستان کڈنی اینڈ لیور انسٹی ٹیوٹ اینڈ ریسرچ سینٹر ءِ جاور ھال ءُ ایشاناں گہتر جوڑ کنگ ءِ ھوالگ ءَ آئی ءِ میٹنگ بوتگ ءُ گریب ءُ بزگریں مردم آناں مپت ءَ علاج ءِ آسراتی پجاری کنگ ءِ واستہ ارزشتی ایں پیسلہ کنگ بوتگ۔ اے ہسپتال ءَ سرجمیں ملک ءَ چہ آیوکیں نادُراھ علاج واستہ اتک کناں۔ ڈاکٹر سعید اختر بورڈ آف گورنر ءِ چیئرمین بیت۔ گوستگیں وھد ءَ ڈاکٹر سعید اختر ءِ گوما ھما سلوک کنگ بوتگ، آ گوشگ نہ بیت، آئی ءَ را چہ ہسپتال ءَ فارگ کنگ بوتگ۔ اے ٹوھیں جوانیں ہسپتال ءَ را بند کنگ بوتگ ات ، ا ے اپسوزی گپ ات۔ آئی ءَ گوش ت کہ الحمد اللہ ڈاکٹر سعید اختر واپس اتکگ ءُ من آئی ءِ ٹیمب ءِ شگر ءُ منت وار ی گرگ لوٹاں۔ آئی ءَ گوشت کہ ڈاکٹر سعید اختر ءُ پروفیسر ڈار ءِ سروکی ءَ جوانیں جان سلامتی ٹیمب اے راجی ہسپتال ءَ را چلائیناں۔ مزن وزیر ءَ گوشت کہ ہسپتال ءَ 50 درسد گریب ءُ اسپیت پوشاکیں مردم آنی مپت ءَ علاج بیت۔ مزن وزیر ءَ گوشت کہ جمہوریت بیت گڈا ملک مھکم بیت۔ یک جستے ءِ پسو ءَ مزن وزیر ءَ گوشت کہ چارٹر آف اکانومی ءِ پیشوکی درستاں چہ پیسر آئی ءَ کتگ ایشرا زورگ نہ بوتگ۔ آئی ءَ گوشت کہ عمران خان ءَ زاواروکی ءَ چہ چاگرد ءِ اندر ءَ زہر مان کتگ ایشی ءَ چہ ملک ءُ راج ءِ سر ءَ نیگیٹیو رند پد سہرا بوھگ ءَ انت ۔ آئی ءَ گوشت کہ عمران خان ءَ ملک ءَ را تباہی ءِ کشک ءَ آورتگ۔
