کراچی۔ 20 مئی (اے پی پی) وزیراعظم محمد شہبازشریف کراچی شپ یارڈ اٹی ملجم کلاس جہاز پی این ایس بدر لانچ کرے۔ دا چرجوئی ٹی کراچی شپ یارڈ اینڈ انجینئرنگ ورکس اٹی خصوصی دود اس اڈتننگا۔ دود اٹی وزیراعظم محمد شہباز شریف بطور مہمان خاص بشخ ہلک۔ ترکی نا وزیر دفاع ہولوسی آقار، پاک بحریہ نا سروک ایڈمرل محمد امجد خان نیازی و ایلو اہم شخصیت آک ہم دود اٹی …
وزیراعظم محمد شہباز شریف ملجم کلاس جہاز پی این ایس بدر لانچ کرے
گیشتریں ھال
کراچی۔ 20 مئی (اے پی پی) وزیراعظم محمد شہبازشریف کراچی شپ یارڈ اٹی ملجم کلاس جہاز پی این ایس بدر لانچ کرے۔ دا چرجوئی ٹی کراچی شپ یارڈ اینڈ انجینئرنگ ورکس اٹی خصوصی دود اس اڈتننگا۔ دود اٹی وزیراعظم محمد شہباز شریف بطور مہمان خاص بشخ ہلک۔ ترکی نا وزیر دفاع ہولوسی آقار، پاک بحریہ نا سروک ایڈمرل محمد امجد خان نیازی و ایلو اہم شخصیت آک ہم دود اٹی بشخ ہلکر۔ جہاز ترکی نا ایم ایس اسفات نا کمک اٹ کراچی شپ یارڈ اٹ تیار کننگانے۔ وزارت دفاعی پیدوار و ترکی نا معاہدہ نا رداٹ اِراکارویٹس جہاز آتے جوڑ کننگانے، اِرا کارویٹس جہاز آتا جوڑ کننگ پاکستان واِرٹ ءِ ترکی ٹی تعمیر کننگ انگ ءِ۔ داوڑنا مہالو بحری جہاز انا لانچنگ تدوک آ سال اگست اٹی ترکی ٹی مسوسس۔ ایلو اِرا جہاز پوروی نا ریسہ غاتیٹی ءُ و دا پوسکن آ سلہہ و سینسرآن شپ مریک۔ دود اٹی پاک بحریہ نا سروک مسٹ میکو ملجم کلاس کار ویٹ جہاز پی این ایس بدر نا ماڈل اس وزیراعظم ءِ پیش کرے۔ یات سلے کہ وزیراعظم محمد شہباز شریف جمعہ غا اسہ دے ئی دورہ غا کراچی آ سرمسنے۔
