اسلام آباد۔ 20 مئی (اے پی پی) وزیر خارجہ بلاول بھٹو زرداری پارینے کہ پاکستان نا پوسکن آ حکومت نا دمدستی اولیت ملک ءِ مون تروک بھلا اقتصادی چیلنج آتون مون تننگ ءِ۔ داخیال آتا درشانی ءِ او امریکہ نا دورہ نا وخت آ نیویارک اٹی سنگت ملک آتا سفیر آتا دیوان آن تران کرسا کرے۔ اقوام متحدہ ٹی پاکستان نا سفیر منیر اکرم نا کنڈآن تروک آ سُوارہ غان تران کرسا اوپارے کہ پاکستان غٹ شونداری شریدار و برادر اسلامی ملک آتون کمکاری ءِ سوگو کننگ نا کمک اٹ داچیلنج آتا مقابلہ ءِ کننگ نا اومیت تخک۔ سُوارہ ٹی بشخ ہلوک آتیٹی سعودی عرب، مراکش، آذربائیجان ، ایران، عمان، اٹلی، مالٹا، ایکواڈور، مصر، انڈونیشیا، متحدہ عرب امارات و کویت نا سفیر ہم اوار ئسر۔ وزیرخارجہ تینا ریمارکس اٹی جہانی و علاقائی ویل آتا بابت پاکستان نا خارجہ پالیسی نا اولیت آتا ہم خاکہ اس پیش کرے ہرافتے ٹی اوغانستان، جموں وکشمیر نا حالیت، سلامتی کونسل اٹ اصلاحات آن بیدس، کبینی و خور انا رکھ ، کوویڈ 19 نا دین، زرگزرانی حالیت و موسمیاتی بدلی اوار ءُ۔
