اسلام آباد۔ 20 مئی (اے پی پی) ملک اٹی امن و ایمنی و پاکستان اٹ ساڑی چینی شاری تا سیکورٹی نا بابت اینو( جمعہ نادے آ) وزارت داخلہ ٹی بنجائی وزیر داخلہ رانا ثناء اللہ خان نا کماشی ٹی بڑزکو کہولی دیوان اس اڈ ہلک۔ امن و ایمنی نا بابت دا اہم دیوان وزیراعظم محمد شہباز شریف نا خصوصی پارت آ بٹنگا۔ بنجائی سیکرٹری داخلہ یوسف نسیم کھوکھر تون اوار وزارت داخلہ نا بڑزکو کمامدارآتیان بیدس ہر چار آ صوبہ، آزاد جموں و کشمیر و گلگت بلتستان نا چیف سیکرٹری و پولیس نا آئی جیک ہم دیوان اٹی بشخ ہلکر۔ دیوان اٹی نیکٹا نا نیشنل کوآرڈنیٹر، چیف کمشنر و آئی جی اسلام آباد و ایلو کانود نافذ کروک آ ادارہ غاتا نمائندہ غاتیان بیدس چیئرمین نادرا ہم بشخ ہلک۔
