اسلام آباد۔ 20 مئی (اے پی پی) قومی اسمبلی ءِ پاننگاکہ ڈیجیٹل خواندگی نا مون آ دننگ کن ساڑی حکومت جوان گام گیج کننگ ءِ۔ جمعہ نادے آ قومی اسمبلی نا دیوان اٹی وقفہ سوج آتیٹی ظل ہما نا سوج انا ورندی ٹی مرتضیٰ جاوید عباسی ایوان ءِ پارے کہ وزارت تعلیم دا بابت گام گیج کننگ ءِ حکومت ڈیجیٹل خواندگی کن آخبت نا وژن اٹی اودے جاگہ تننگ انگ ءِ۔ مولانا عبدالاکبر چترالی نا ضمنی سوج آ او پارے کہ مرمر انگا علاقہ غاتیٹی فورجی انٹرنیٹ کن گام گیج کننگ انگ ءِ۔ ننا تدوک آ حکومت دا بابت گام گیج کریسس۔ اینو ہم فورجی نا نیٹ ورک 60 آن 70 درسد آبادی ءِ دوئی ءِ، دا نیٹ ورک ننا مسکوہی حکومت نا دور اٹی تننگاسس، داوخت آ 20 درسد شاری فورجی آن محروم ءُ۔ اوپارے کہ فائیو جی لانچنگ اٹ ہشت تُو لگک۔ فائیو جی نا بابت تدوک آ مسہ نیم سال اٹی ہچ ءُ پیش رفت اس متنے۔
