اسلام آباد۔ 20 مئی (اے پی پی) جہانی مالیاتی فنڈ(آئی ایم ایف) پارینے کہ نیزگار و کم کٹیا والا ملک آتا کمک نا گرج ءِ تانکہ او موسمیاتی بدلی نا بابت گام گیج آتے پک کرسا نسخان تے کم آن کم کننگ کیر۔ جہانی مالیاتی فنڈ (آئی ایم ایف ) تینا اسہ بلاگ اسے ٹی پارینے کہ مچ آ دنیا نا ہزگار و نیزگار ملک آتے موسمیاتی بدلی نا بابت گام گیج کروئی مریک تانکہ ترندی اٹ ودوک آ جہانی درجہ حرارت نا مون ءِ توننگ مرے۔ داڑآن موسمیاتی بدلی و سخت موسمی حالیت آتیان کشت وکشار، سمندر آتا کچ اٹی ودکی، گلیشیئر آتا دیر مننگ نا کچ و بندوی پنجر ءِ زیات آن زیات پائیدار جوڑ کننگ نا ویل آتا مون ءِ توننگ مرے۔ آئی ایم ایف پارے کہ موسمیاتی بدلی نا ویل آتا مون ءِ توننگ کن کروک آ خڑچ آتا مقابلہ ٹی کیہی زیات فائدہ دوئی مریک۔ جہانی برادری و ہزگار ملک آتے مرے کہ موسمیاتی بدلی نا چیلنج آتا مون ءِ توننگ کن نیزگار و کم کٹیا والا ملک آتا کمک ءِ کیر تانکہ درجہ حرارت اٹ ترندی اٹ مروک آ ودکی نا مون ءِ توننگ مرے۔
