میاں اوستمانی برات وردن ءُ وراک ءِ  گیش بوھوکیں میاں اوستمانی  ڈکال ءِ گر ءُ دار ءِ واستہ یکجائی کوشست آں ھوار یکجائی ءَ کار  بکن  اَنت، وزیر ءِ درئی کار  بلاول بھٹو زرداری ءِ "گلوبل فوڈ سیکورٹی” ءِ بن گپ ءِ  سر ءَ وزارتی دیوان  ءَ گوں گشتانک

اسلام آباد۔19مئی  (اے پی پی): وزیر ءِ درئی کار بلاول بھٹو زرداسری ءَ میاں اوستمانی برات  آنی سر ءَ زور پر دات کہ آ وراک  ءُ وردن ءِ گیش بوھوکیں  میاں اوستمانی ڈکال ءِ  گر ءُ دار ءِ واستہ  یکجائی کوشست آنی واستہ یکجائی ءَ  کار بکن اَنت ایشی ءَ چہ سرجمیں دگنیا ءَ لکھانی مردم آنی زندمان آماچ بوھگ ءَ انت۔  یونائیٹڈ نیشن ءِ ہیڈ کوارٹر  ءَ  "گلوبل فوڈ سیکورٹی”  ءِ بن گپ ءِ سر ءَ وزارتی دیوان ءَ گوں گشتانک دیان ءَ وزیر ءِ درئی کار  ءَ  گشتانک دیان ءَ  وزیر ءِ درئی کار  ءَ گوشت کہ وردن   ءُ وراک ءِ  ڈکال سیم  سر آنی  بندوک نہ اِنت ءُ اچ ملک ایوک ءَ ایشرا  گر ءُ دار کت  نہ کنت، لکھانی مردم  آناں  شد لاپی ءَ چہ رکھینگ ءِ واستہ مارا یکجائی ءَ کار کنگی انت۔  شد لاپی ءِ ھلاسی مئے دست رس ءَ انت۔  اگاں ما یکجائی ءَ کار بکن آں گڈا ھمک مردم ءِ واستہ باز وردن ءُ وراک است انت۔  بلاول ءَ گیش مکن کت  ءُ گوشت کہ  اگاں مرچی اے جیڈھ  ءَ را گیواری کنگ نہ بوت  لستیں ماہ آنی تہ ءَ  میاں اوستمانی رد ءَ  وردن ءُ وراک ءِ   ڈکالی ءِ  گوما دیم پہ دیمی بیت۔ میاں اوستمانی تک ءَ شد لاپی   باز انت۔   ایوک ءَ دو سال آنی تہ ءَ شد لاپی  ءِ آماچیں مردم آنی کساس  دو سرئی بوتگ،  ایش 135 ملین ءَ چہ مرچی 276 ملین بوتگ۔  نیم ملین  ءَ چہ گیش مردم  ڈکال ءِ  جاور آنی تہءَ زندمان ءَ را  گوازینگ ءَ انت 2016  ءَ چہ پد 500 درسد گیش  بوتگ،  اے  ترسناکیں  ھساب ءُ داد  یک ٹوھیں  سبب ءِ جوڑ بوت کناں۔  آئی ءَ گوشت کہ  روس یوکرین جیڈھ  ءُ ایشی ءِ فوڈ سیکورٹی ءِ رند پد آناں سہرا کتگ ءُ گوشتگ یک سالے ءَ وردن ءُ  وراک ءِ  قیمت آنی تہ ءَ کساس نیم کمی، کد   ءِ قیمت  نیم ءَ چہ گیش ءُ ٹیل ءِ  قیمت آنی تہ ءَ کساس  دو سرئی  گیشی بوتگ۔  گیشتریں  نوک دیمروئی کنوکیں ملک  آنی کرا  اے بازیں گران بھائی ءِ   زور  ءَ  کم کنگ ءِ واستہ مالی  گنجاشک  ءِ کمی  انت ءُ آ  مشکل آنی آماچ انت۔  وزیر ءِ درئی کار بلاول ءَ  گیش  گوشت کہ  شد لاپی ءِ رند پد  ھاندان، لس مردم ءُ چاگرد  ءِ سر ءَ نکش بنت۔