اسلام آباد۔19مئی (اے پی پی):ایرانی سفارتخانہ ءَ کراچی ءَ ناشرکاری ءِ واکیہ ءَ گوں دست مانجنیں بوھگ ءِ بھتام ءِ ھوالگ ءَ بازیں پاکستانی اھوالکار آنی نیمگ ءَ چہ جست کتگیں سوال آنی پسو ءَ گوشتگ کہ اچ رنگیں ثبوت ءُ مسل ءَ ابید اے رنگیں بھتام بندگ نہ وشیں ءُ ردئیں گپ انت اے اچ رنگ ءَ قبول بوت نہ کن اَنت ءُ ایشانی مول ءُ مراد ایران ءُ پاکستان ءِ براتی ءُ یکوئی آناں گیش تاوان پجارینگ انت۔ پنچ شمبے ءِ روچ ءَ ایرانی سفارتخانہ ءِ نیمگ ءَ جاڑی بوتگیں بیان ءِ تہ ءَ گوشگ بوتگ کہ بے شک ءُ پد ءَ یک سیمی مردمے پاکستان ءُ ایران ءِ نیام ءَ براتی ءُ دوستی ءُ یکوئی آناں ھراب کنگ لوٹ ایت۔ پاکستان ءُ ایران ءِ نزیک ءَ یکوئی آنی دژمن آنی پنت آناں زورگ مہ بیت۔ بیان ءِ تہ ءَ میڈیا ءِ سر ءَ زور پر دیگ بوت کہ آ پکوئیں ءُ راستیں ھال در آں چہ رستگیں مالومداری آنی سر ءَ بیسہ بکن اَنت۔
