پاک بحریہ نا سروک ایڈمرل محمد امجد خان نیازی مصر انا سرکاری دورہ ءِ کرے

اسلام آباد۔ 19 مئی (اے پی پی) پاک بحریہ نا سروک ایڈمرل محمد امجد خان نیازی مصر انا سرکاری دورہ ءِ کرے و مصری بحریہ نا کمانڈر انچیف و ایلو عسکری کمامدارآتون اہم اوڑدہی کرے۔ ترجمان پاک بحریہ نا رداٹ مصری بحریہ نا ہیڈ کوارٹر آ بننگ آ ایڈمرل محمد امجد خان نیازی ءِ جم و جوش اٹ بخیر کننگا۔ نیول چیف مصری بحریہ نا کمانڈر انچیف و ایلو عسکری کمامدارآتون اہم اوڑدہی کرے۔ اوڑدہی تیٹی تین پہ تینی است خواہی نا کسبی امور و ہڑتوم آ کنڈآتا بحری کمکاری آ گپ وتران کننگا۔ میزبان کمامدارآک ڈیہہ ٹی بحری امن و سوگوی کن پاک بحریہ نا کوشست آتا ستاءِ کریر۔ چیف مصری بحریہ نا جہاز و ایلو تنصیب آتا ہم دورہ ءِ کرے۔ ترجمان پاک بحریہ نا پاننگ ءِ کہ سروک پاک بحریہ نا مصر انا دا دورہ ہڑتوم آ ملک آتا نیام اٹ تعلقداری تے پین مون آ دیک۔