سلاہکار امور کشمیر و گلگت بلتستان قمرزمان کائرہ نا وزیراعلیٰ پنجاب حمزہ شہباز شریف تون اوڑدہی

اسلام آباد۔ 19 مئی (اے پی پی) سلاہکار امور کشمیر و گلگت بلتستان قمر زمان کائرہ وزیراعلیٰ پنجاب حمزہ شہباز تون اوڑدہی کرے و صوبہ نا ساڑی سیاسی حالیت و شونداری ڈٹ آتیا گپ وتران کننگا۔ داڑے وزارت امور و کشمیر آن جاری بیان نا رداٹ سلاہکار امور کشمیر وزیراعلیٰ پنجاب ءِ حلقہ این اے 70 نا ویل آتیان معلومدار کرسا پارے کہ پی ٹی آئی نا حکومت این اے 70 نا الس ءِ شونداری ڈٹ آتیان محروم تخا، پنجاب نا بروک آ اے ڈی پی ٹی این اے 70 ءِ خاطر خواہ فنڈ فراوان کننگے۔ ہڑتوم آ راہشونک تحریک انصاف نا طرزسیاست و غیرجمہوری چم آتا مذمت ءِ کریر۔ وزیراعلیٰ پنجاب این اے 70 نا ویل آتے ایسر کننگ نا باور کرفے۔ داوخت آ وزیراعلیٰ پنجاب حمزہ شہباز پارے کہ عمران نیازی پونے چار سال قوم ءِ دھوکہ تس، ورناتے اُرا ونوکری تا دروغ انا تغ نشان تس، غلط پالیسی جوڑ کرسا زرگزران ء، بھس کرے، پاکستان اینو نیام آ سلوک ءِ، سیوتی جماعت آتون اواری اٹ الس نا ویل آتے ایسر کینہ۔