پِر و تہوتا چلینگ انگ آن ملک انا گیشتر بشخ آتیٹی باسنی نا برجاریسہ نا شدت اٹ کمتی بننگ نا گمان ءِ، محکمہ موسمیات

اسلام آباد۔ 19 مئی (اے پی پی) محکمہ موسمیات پاکستان ملک اٹی باسنی نا برجاریسہ نا شدت اٹ بروک آ دے تیٹی کمتی نا گمان ظاہر کرسا ملک انا چندی علاقہ غاتیٹی آندھی چلینگ انگ و ترند تہو و ہورہ و گروک اٹ پِر انا پیشگوئی کرینے۔ محکمہ موسمیات نا رداٹ دیکی تہوتا اسہ چرجوئی اس 19 مئی پنچ شنبے نا(نن) ملک انا بڑزکو علاقہ غاتیٹی پترینگ انگ ءِ ہرا 24 مئی (سے شنبے )اسکان ساڑی سلک۔ داپوسکن آ موسمی نظام نا زیر اثر علاقہ غاتیٹی آندھی ، ترند تہو و ہورہ و گروک اٹ پِرانا گمان ءِ۔ اسلام آباد ، راولپنڈی، چترال، دیر، سوات، مانسہرہ، کوہستان، ایبٹ آباد ، ہری پور ، پشاور، صوابی، نوشہرہ، کرم ، کوہاٹ، وزیرستان، بنوں، میانوالی، سرگودھا، خوشاب، اٹک، چکوال، جہلم، حافظ آباد، سیالکوٹ ، نارووال، لاہور، شیخوپورہ، جھنگ، کشمیر و گلگت بلتستان (استور ، غذر، گلگت، دیامر، ہنزہ و سکردو) ٹی ترند تہو و ہورہ و گروک اٹ پِر انا گمان ءِ۔ پِر و تہو تا چلینگ انگ نا نتیجہ ٹی ملک انا گیشتر بشخ آتیٹی باسنی نا برجا ریسہ نا شدت اٹ کمتی بننگ نا گمان ءِ۔