لاہور۔ 18 مئی (اے پی پی) لاہور نا احتساب عدالت خواجہ سعد رفیق و خواجہ سلمان رفیق نا برخلاف پیراگون ہاؤسنگ سوسائٹی ریفرنس نا سماعت ءِ 31 مئی اسکان پدبٹسا بنجائی وزیر ریلوائی خواجہ سعد رفیق نا اسہ دے انا حاضری معافی نادرخواست ءِ منظور کرے۔ احتساب عدالت نا جج نسیم احمد ورک پیراگون ہاؤسنگ سوسائٹی ریفرنس آ سماعت کرے۔ چارشنبے نادے آ سماعت آ بنجائی وزیر ریلوائی خواجہ سعد رفیق نا کنڈآن پیشن نا ملک مننگ نا سوب آن حاضری معافی نا درخواست جمع کرفنگا ہراٹی موقف اختیار کننگاکہ خواجہ سعد رفیق نجی دورہ غا برطانیہ غاہنانے ہراڑے اونا مخ اٹی تکلیف ءِ و ڈاکٹر اودے دمدستی وڑاٹ سفر کننگ آن منع کرینے، عدالت حاضری معافی نا درخواست ءِ منظور کے ۔ عدالت حاضری معافی نا درخواست ءِ منظور کرے وخت اس کہ ممبر پنجاب اسمبلی خواجہ سلمان رفیق عدالت اٹ پیش مس و تینا حاضری ءِ خلفے۔ سماعت اٹی نیب انا چار گواہ سدرہ خالد، مبارک علی، محمد عتیق و آغا ریحان گل نا بیان تے قلمبند کننگا۔ عدالت کیس انا پین گواہ تے بیان ریکارڈ کرفنگ کن بٹنگسا مستی سماعت ءِ 31 مئی اسکان پدبٹے۔ عدالت بروک آ سماعت آ دوبہ دار آتون اوار فریق آتا وکیل آتے پیش مننگ نا پارت کرے۔ احتساب عدالت نا روبرو پیراگون ہاؤسنگ سوسائٹی ریفرنس کیس اٹی داتم اسکان 36 گواہ تینا بیان تے قلمبند کرفینو، جم وڑاٹ 130 گواہ بیان قلمبند کرفرہ۔
