اسلام آباد۔ 18 مئی (اے پی پی) پاکستان و جہانی مالیاتی فنڈ (آئی ایم ایف) نا مشن نا نیام اٹ چارشنبے نادے آ قطر انا دارالحکومت دوحہ ٹی گپ وتران بناکرینے۔ وزارت خزانہ نا ترجمان پارے کہ بنجائی وزیر خزانہ ڈاکٹر مفتاح اسماعیل ، وزیر مملکت ڈاکٹر عائشہ غوث پاشا، سیکرٹری خزانہ حامد یعقوب شیخ، اسٹیٹ بینک نا قائم مقام گورنر ڈاکٹرمرتضیٰ سید، چیئرمین ایف بی آر عاصم احمد و وزارت خزانہ نا سینئر آفیسر آک دیوان اٹی ورچوئل بشخ ہلنگ ءُ ، وزارت خزانہ نا ٹیم اسہ دے اس مست دوحہ غا روانہ مسوسس۔ پاکستان و آئی ایم ایف نا نیام اٹ ودکی فنڈ آسراتی نا رداٹ ہفت می جاچ اکن مذاکرات مننگ ءِ۔ مذاکرات نا سرسہبی نا حالیت اٹ پاکستان ءِ جہانی مالیاتی فنڈ انا کنڈآن کم وو د اسہ ارب ڈالر نا قسط ملک۔
