اٹک۔ 18مئی (اے پی پی) ریسکیو1122 اٹک نا ورناتا کنڈآن ہیٹ سٹروک کیمپ اس اڈ۔ ریسکیو 1122 اٹک ہیٹ سٹروک نا بابت سنٹرل اسٹیشن آ ڈائریکٹر جنرل ڈاکٹر رضوان نصیر نا پارت آتیا عملدرآمد کرسا خصوصی وڑاٹ ہیٹ سٹروک کیمپ اس خلنگا ہراٹی شاریک، مزور آک، اسکول ناچناتیکن یخ و ہنین شربت آتا بست وبند کننگا ہراٹی مخلوق نا پاننگ ئس کہ ریسکیو 1122 نا ورناک ہیٹ سٹروک کیمپ اس خلسا ننا است ءِ کٹانے۔ ڈسٹرکٹ ایمرجنسی آفیسر علی حسین پارے کہ ہیٹ سٹروک کیمپ خلنگ نا مسخت مخلوق اٹ شعور تالان کننگ ءِ کہ او اُراتیان پیش تمنگ نا وخت آ کاٹم ءِ رومال اس تخر، چنکا چناک اسکول آ ہِننگ نا وخت آ دیر انا بوتل اس تینتون تخر، سہب انا دہ بجہ غان بیگہ نا پنچ بجہ اسکان اُراتیان ضرورت نا وخت آپیش تمر، ہلکاءُ رنگ انا پچ بینر، ایمرجنسی حالیت آتیٹی دمدستی 1122 آ کال کیر، ننا ریسکیو الس نا خذمت کن ہروخت تیار ءِ۔
