پاکستان  ءَ توامیں کنفیوشس انسٹی ٹیوٹ ءِ  سر ءَ کار کنگ ءَ انت،   ایشاناں بند کنگ نہ بوتگ، ژانگ ہیکنگ

اسلام آباد۔17مئی  (اے پی پی):اسلام آباد ءَ  چینی سفارتخانہ ءِ دود ءُ ربیدگی قونصلر ژانگ ہیکنگ ءَ گوشتگ کہ پاکستان ءَ توامیں کنفیوشس انسٹی ٹیوٹ  کار کنگ ءَ انت  ءُ ایشاناں بند کنگ نہ بیت،  ” اے پی پی” ءِ یک جستے ءِ پسو ءَ  چینی سفارتکار ءَ گوشت کہ پاکستان َ جتا جتائیں کنفیوشست انسٹی ٹیوٹ  ءُ کنفیوشس کلاس  رومز  آنی تہ ءَ توامیں  وانگ ءُ زانگی  چست ءُ ایر  چینی ءُ  پاکستانی استاد  ءُ چینی شریکدار یونیورسٹی آنی وسیلگ ءَآ ن لائن  یا آف لائن  رپک ءَ چہ  کنگ  بنت۔  26 اپریل  ءَ  جامعہ کراچی ءِ کنفیوشس انسٹی  ٹیویٹ ءِ ڈن ءَ وت کشیں تراک ءَ چہ سئے چینی شہری  آں ھوار  کم چہ  کم  چار مردم  بیران  ءُ چار ٹپیگ بوتگ انت۔  ژانگ  ءَ گوشت کہ پاکستان ءِ ھوالگ ءَ محکمہ آں گوں گپ ءُ تران ءَ چہ پد لستیں چینی استاد آیوکیں  گرما گ ءِ   چھٹی ءِ واستہ چین  ءَ واتر  شتگ انت ءُ دزبندی ءِ رد ءَ   جوانیں وھد ءَ  پاکستان  ءَ واپس کاینت۔ آئی ءَ گوشت کہ چینی پریک پاکستانی نودربر  آنی  چینی زبان   ءِ سکھگ  ءِ ضلورت ءَ را پیلو کنگ ءِ واستہ  جوانیں ھیل کاری   زانت ءپ زانش  ءِ آسراتی پجاری کنگ ءِ منصوبگ   است انت۔