صدر مملکت ڈاکٹر عارف نا 14 مئی آ قطبی وزیرستان اٹی خود کش جلہو نا شہید آتا خاہوت آتون ٹیل فون آ رابطہ ، شہید آتے خراج عقیدت پیش کرے

اسلام آباد۔ 17 مئی (اے پی پی) صدر مملکت ڈاکٹر عارف علوی 14 مئی آ قطبی وزیرستان اٹی خود کش جلہو نا شہید آتا خاہوت آتون ٹیل فون آ رابطہ کرے و ملک آ جون ءِ ندر کروک آ شہید آتے خراج عقیدت پیش کرے۔ سےشنبے نادے آ ایوان صدر نا میڈیا ونگ انا رداٹ صدر مملکت سپاہی قاسم مقصود، سپاہی عزیر و لانس حوالدار زبیر قادر نا وارث آتون ہیت کرے۔ صدر مملکت فوجی ورناتا شہیدی آ وارث آتون ہڑزخواہی کرے۔ صدر مملکت 26 اپریل آ سویلی وزیرستان اٹی شہید مروک آ سپاہی محمد سراج الدین نا وارث آتون ہم ہیت کرے۔ اوشہید نا خاہوت کن صبر وجمیل نا دعا کرے۔ صدر شہید آتا عظیم قربانی تیا خراج عقیدت پیش کرے۔