گوادر۔ 17 مئی (اے پی پی) بنجائی وزیر ڈٹ بندی، شونداری، اصلاحات و خصوصی گام گیج احسن اقبال پارینے کہ سی پیک ملکی شونداری نا ڈٹ اسے، علم و پٹ وپول و جستجواٹ دنیا ٹی شونداری مننگ کیک، ہرا رفتار اٹ 2018 ء ٹی کاریم ءِ ہلاسن، گوادر اٹی ہمو رفتار اٹ کاریم نا دُوارہ بناءِ کینہ، گوادر اٹی ٹرانسمیشن لین نا ڈٹ آتے زوت پورو کننگک، گوادر نا طالب علم آتے اسکالر شپ ایتنہ۔ سے شنبے نادے آ گوادر یونیورسٹی ٹی طالب علم آتیان تران کرسا اوپارے کہ سی پیک ملکی شونداری نا ڈٹ ءِ۔ تدوک آ حکومت سی پیک ءِ متنازعہ جوڑ کننگ نا کوشست کرے۔ نن شونداری ڈٹ آتون االس آ ہم خڑچ کننگ اُن۔ سی پیک نا ڈٹ ساڑی حکومت نا اولیت آتیٹی اوار ءِ۔ گوادر اٹی نم تون 4 یا 5 سال آن پد مخاطب مننگ نا موقع ملانے۔ تینا تدوک آ دور اٹی گوادر نا شونداری نا عمل ءِ ترند کننگ کن کاریم کرینہ۔ اوپارے کہ نن گوادر اٹی ہائیر ایجوکیشن ءِ اہمیت تسن۔ اگہ تعلیم مفک تو شونداری نا عمل سلک۔ کوشست ءِ کہ 2 آن 3 سال اٹی یونیورسٹی نا کیمپس پورو مرے۔ دایونیورسٹی ءِ سینٹرآف ایکسیلینس جوڑ کینہ۔ بلوچستان نا ڈیہہ ءِ اہم ءُ حیثیت اس دوئی ءِ۔ تعصب وعصبیت نا سوچ انا مقابلہ ءِ علم اٹ کننگ مریک۔ ای گوادر نا شونداری تون گنڈوک مسونٹ۔ نن گوادر نا شاری تیکن خواری کرین، چندی ڈٹ آتا بناءِ کرین، بنجائی وزیر پارے کہ بجلی و دیر انا ڈٹ آتا بناءِ کرین، ننے اومیت ئس کہ اِراسال اٹی پورو مریرہ، ولے کنے افسوز ءِ کہ ننا بناکروک آ ڈٹ آک تاخیر نا گواچی مسر۔ 2017ٹی گوادر اٹی ڈیم تا ڈٹ آتا بناءِ کرین ولے تدوک آ حکومت نا ڈیوالئی اٹ دا ڈیمک تاخیر نا گواچی مسر۔ اسلام آباد میٹرو نا ڈٹ چارسال بے گرج تاخیر نا گواچی مس، نن اگہ دہ دے اٹی دادے چالو کرین۔ ہرارفتار اٹ 2018 ٹی کاریم ءِ ہلاسن، گوادر اٹی ہمو رفتار اٹ دُوارہ کاریم نا بناءِ کینہ۔ گوادر اٹی ٹرانسمیشن لین نا ڈٹ آتے زوت پورو کننگک۔ گوادر اٹی ہسپتال اپ گریڈ کینہ۔ گوادر اٹی یونیورسٹی نا کیمپس جوڑ کینہ و گوادر نا طالب علم آتے اسکالر شپ ایتنہ۔
