راولپنڈی۔ 17 مئی (اے پی پی) قطبی وزیرستان اٹی سیکورٹی فورس آتون اسہ ایلو آ سم کاری ٹی تحریک طالبان پاکستان نا 2 اہم و بے کچ درکار دہشت گرد خلنگار۔ پاک فوج انا شعبہ تعلقات عامہ نا رداٹ 16/17مئی 2022نا نن قطبی وزیرستان نا علاقہ بویا ٹی سیکورٹی فورس و دہشت گرد آتا نیام اٹ اسہ ایلو آ سم کاری مس۔ اسہ ایلو آ سم کاری ٹی 2 دہشت گرد خلنگار۔ خلنگوک آ دہشت گرد آتا درستی راستی دہشت گرد کمانڈر رشید عرف جابر و دہشت گرد عبدالسلام عرف چمٹو نا پن اٹ مسنے۔ دہشت گرد آتا کوزہ غان سلہ سلہہ و گولہ بارود ہم دوئی کننگا۔ ہڑتوم آ دہشت گرد آک علاقہ ٹی دہشت گردی نا کارروائی تیٹی اوار ئسر۔
