اسلام آباد۔ 17 مئی (اے پی پی) بنجائی وزیر حوالکاری و شینکاری مریم اورنگزیب پارینے کہ عمران خان زرگزرانی بھسکاری، کبینی و بے روزگاری آ السی ڈوہدار ءِ، اودے ورندی تروئی تمک۔ سے شنبے نادے آ تینا ٹویٹ اٹی اوپارے کہ عمران خان تماشا کرسا و دروغ تڑسا الس آ ہراظلم ءِ کرے، اونا ورندی آن او نرنگ کپک۔ بنجائی وزیر حوالکاری تینا ٹویٹ اٹی 2018ء ٹی مسلم لیگ(ن) و 2022ء ٹی پی ٹی آئی نا دور حکومت اٹی ملکی شونداری نا بابت حساب وکتاب ناچارٹ ءِ ہم شیئرکرے۔ داچارٹ انا رداٹ 2018ء ٹی ڈالر نا نہاد 116 روپئی آن ودسا 2022ء ٹی 189 روپئی مس۔ قومی شونداری نا رفتار 6.1 درسد آن کم مرسا 4 درسد (گمانی )، کبینی 3.9 درسد آن ودسا 13درسد، غذائی کبینی 2.3 درسد آن ودسا 15 درسد، نت 20 کلو 700 روپئی آن ودسا 1100 روپئی، بورہ فی کلو 53 روپئی آن ودسا 90 روپئی، سی فی کلو 151 روپئی آن ودسا 470 روپئی، بجلی فی یونٹ 11 روپئی آن ودسا 25 روپئی، گیس 600 روپئی ایم ایم بی ٹی یو آن ودسا 1400 روپئی ایم ایم بی ٹی یو ، یوریابوری نا نہاد 1380 روپئی آن ودسا 1918 روپئی(3 ہزار روپئی ٹی ہم بہامس)، مالی نسخان 2260 ارب روپئی ودسا 5600 ارب روپئی(گمانی) ، واپاری نسخان 30.9 ارب ڈالر آن ودسا 43 ارب ڈالر ، جی ڈی پی و خراج نا کچ 11.1 درسد آن کم مرسا 9.2 درسد، حکومتی وام 1947ء آن ہلیس 2018 اسکان 24953 ارب روپئی آن ودسا مسہ نیم سال اٹی 42745 ارب روپئی، بے روزگار آتا کچ 35 لکھ آن ودسا 95 لکھ مس ہراٹی 60 لکھ بے روزگار آتا ودکی مس۔ ہندا وڑ ٹرانسپرنسی انٹرنیشنل نا کرپشن آ سیپشن انڈیکس رینکنگ 117 آن ودسا 140 مس۔ کرپشن اٹی 23 درسد ودکی مس، چارسال اٹی نیزگاری نا لکیر آن شیف بندغ آتا کچ اٹی 2 کروڑ بندغ بشمول 1.3 کروڑ چناتا ودکی مس۔
