چاغی۔ 17 مئی (اے پی پی_) چاغی نا پاک ایران نا سیمی شار تفتان اٹی لوکل گورنمنٹ نا کنڈآن ہیٹ ویوآن آگاہی نا بابت گورنمنٹ بوائز ہائیر سیکنڈری اسکول اٹ واک اسے نا بست وبند کننگا ہرانا کماشی ءِ ایڈمنسٹریٹر یونین کونسل تفتان کرے۔ ہیٹ ویو آن ممکنہ بچنگ کن گورنمنٹ ہائیر سکینڈری اسکول نا طالب علم آتون اسہ واک اسے ٹی الس ءِ دا ممکنہ خطرہ غان آگاہی فراوان کننگا۔ داوخت آ ایس ڈی او یونین کونسل تفتان عصمت اللہ اچکزئی طالب علم آتیان تران اٹی پارے کہ ہیٹ ویو آن ممکنہ بچنگ کن غٹ رکھی گام گیج اختیار کیر و اُراتیان بے سوب پیش تمنگ آن پاناد کیر، اوپارے کہ باسنی نا موسم اٹی زیات آن زیات دیر کنیر تانکہ ہیٹ ویو آن بچنگ مرے۔
