اسلام آباد۔16مئی (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ گوشت کہ الس درستاں زانت، وتی مجرم آناں شر پجا کار ئیت، معاشی تباہی ءِ اسلیں بنیات عمران خان انت، نواز شریف ءُ شہباز شریف ءِ دور ءَ مدام مہنگائی ءُ کرپشن کم بوتگ، نواز شریف ، شہباز شریف ءُ پاکستان مسلم (ن) ءَ مدام الس ءَ را ریلیف داتگ، عمران خان ءَ معاشی جرم آنی سزا ءَ را پاکستان ءِ الس آناں دیگ لوٹ ایت۔ دو شمبےءَ وتی یک بیانے ءَ بنجاھی وزیر اھوالکاری ءَ گوشت کہ پٹرول ءِ قیمت ءِ ودینگ آسان انت بلے ما الس آناں گیش تکلیف دیگ نہ لوٹاں، الس آناں رکھینگ لوٹاں، دو شمبے ءَ وتی یک بیانے ءِ تہ ءَ بنجاھی وزیر اھوالکاری ءُ شنگ کاری ءَ گوشت کہ پٹرول ءِ قیمت ءَ را گیش کنگ آسان انت بلے ما الس آناں گیش تکلییف دیگ نہ لوٹاں، الس گیش گریب مہ بنت، آوانی سر ءَ گیش بار لڈ مہ بیت، ھمے واستہ پٹرول ءِ قیمت ءَ را نہ ودینگ ءَ آں۔ آئی ءَ گوشت کہ عمران خان ءَ را وتی معاشی جرم پسو وت دیگی انت۔ آئی ءَ گوشت کہ گران بھائی کنگ مسلم لیگ (ن) ءِ روایت ءُ آئی ءِ منشور ءِ ھلاپ انت۔ مریم اورنگزیب ءَ گوشت کہ نواز شریف ءَ ناشرکاری ءِ ھلاسی کتگ، لوڈ شیڈنگ ھلاس کتگ، گران بھائی کم کتگ۔ آئی ءَ گوشت کہ گران قیمتی آرت، گران قیمتی گیس، گران قیمتی توان، گران قیمتی دوائی ءِ حساب عمران خان ءَ را دیگی انت۔ بنجاھی وزیر ءَ مسلم لیگ (ن) ءُ پی ٹی آئی ءِ حکومتی دور ءُ باریگ ءَ معاشی، اقتصادی ءُ ھمروچگیں وردنی سامان آنی قیمت آنی کچ ءُ کساس پیش کنان ءَ گوشت کہ نواز شریف ءِ دور ءُ باریگ ءَ ڈالر 116 کلدار بوتگ ایشرا عمران خان ءَ 189 کلدار ءَ برتگ ءُ سر کتگ۔ آئی ءَ گوشت کہ 1947 ءَ بگر تاں 2018 ءَ تاں توامیں حکومت آں یکجائی ءَ 71 سال ءَ 24 ہزار 953 ارب کلدار ءِ وام در جتگ۔ ایشی ءِ مٹوئیں ءَ عمران خان ءَ ایوک ءَ سئے سال ءُ نیم ءَ وام آناں 42 ہزار 745 ارب کلدار ءَ برتگ ءُ سر کتگ۔ مریم اورنگزیب ءَ گوشت کہ نواز شریف ءَ راجی دیمروئی ءِ کساس 6.1 درسد ءَ تاں پجارینتگ، عمران خان ءَ اولی سر ءَ ایشرا مائنس ءَ پجارینتگ ءُ نوں 4 درسد امیت کنگ بوھگ ءَ انت۔ آئی ءَ گوشت کہ نواز شریف ءِ وھد ءُ باریگ ءَ گران بھائی 3.9 درسد بوتگ، عمران ءَ ایشرا 13 درسد ءَ برتگ ءُ سر کتگ۔ آئی ءَ گوشت کہ نواز شریف ءِ وھد ءُ باریگ ءَ 20 کلو آرت ءِ تھیلا 700 کلدار ءَ بوتگ ایش عمران خان ءِ دور ءُ باریگ ءَ 1100 کلدار ءَ بوتگ۔ آئی ءَ گوشت کہ نواز شریف ءِ دور ءُ باریگ ءَ 52 کلدار یک کلو بوتگ ایش عمران خان ءِ دور ءُ باریگ ءَ 120 کلدار یک کلو ءِ بوتگ۔ بنجاھی وزیر اھوالکاری ءُ شنگ کاری ءَ گوشت کہ پاکستان جمہوری ملک ات، ایشی ءِ اندر ءَ سیاسی السی گل ءُ پارٹی انت، ایشانی شور ءُ مشور ءَ چہ گچین کاری ءِ پیسلہ بیت۔ عمران کان ءُ آئی ءِ “جنتری” جاتوگ پاکستان ءَ یک مردمے، یک پارٹی ءُ یک سسا ءِ سروکی ءَ لوٹاں، اے نہ بیت۔ بنجاھی وزیر اھوالکاری ءَ گوشت کہ یک پارٹی ءِ سروکی ءِ مطلب زوراکی ءُ ظلم بیت، اے بیان ھمے نیگیٹیو گیر جمہوری سسا ءِ درشان انت۔
