اسلام آباد۔ 16 مئی (اے پی پی) بنجائی وزیر انسانی حق میاں ریاض حسین پیرزادہ امریکی ریاست نیویارک اٹی ہژدہ سال انا شاری نا کنڈآن نسلی تعصب نا بناآ 10 سیاہ فام شاری تا خون نا مذمت ءِ کرینے۔ دوشنبےنادے آ جاری اسہ بیان اسے ٹی بنجائی وزیر پارے کہ امریکہ ٹی نسلی پرخ و خار چندی بے گناہ بندغ آتا جان ءِ درینے ہرانا اخس مذمت ءِ کننگے او کم ءِ۔ اوپارے کہ دنیا نا ہمو ریاست آک ہرا سپر پاور پاننگرہ، او نزور ملک آتیٹی مروک آ انسانی حق انا چنکو خلاف ورزی سے آ غوغا کیرہ وخت اس کہ تینٹ ہمو ملک آتیٹی نسلی تعصب نا بناآ کروک آ ظلم آتا بے حساب درور ساڑی ءِ۔ اوپارے کہ دنیا ٹی ہر راج آن نسلی خارانا چٹفنگ کن المی تربیت و رواداری نا درس تننگ نا سخت گرج ءِ ہرادے اکثر وگیشتر گوجالنگک۔
