اسلام آباد۔ 16 مئی (اے پی پی) بنجائی وزیر حوالکاری و شینکاری مریم اورنگزیب پارینے کہ الس کل ءِ چاہک، تینا ڈوہدار ءِ درست کیک، عمران صاحب! دروغ تڑنگ، دھڑکو تننگ و کرینگ تننگ آن حقیقت ءِ ڈکھنگ مفک۔ دوشنبے نادے آ تینا ٹویٹ اٹی اوپارے کہ الس کل ءِ چاہک، اصل زرگزرانی بھسکاری، بے روزگاری و بین نا ڈوہدار عمران خان ءِ۔ اوتینا ٹویٹ اٹی 2018ء ٹی مسلم لیگ (ن) و 2022ء ٹی پی ٹی آئی نا دور حکومت اٹی ملکی شونداری نا بابت حساب وکتاب نا گراف ءِ ہم شیئرکرے۔او گراف نا رداٹ 2018ء ٹی ڈالر نا نہاد 116 روپئی ئسک ہرا 2022ء ٹی ودسا 189 روپئی مس۔ قومی شونداری نا رفتار 6.1 درسد آن کم مرسا 4 درسد (گمانی) ، کبینی 3.9 درسد آن ودسا 13 درسد، غذائی کبینی 2.3 درسد آن ودسا 15 درسد، نُت 20 کلو 700 روپئی آن ودسا 1100 روپئی، بورہ فی کلو 53 روپئی آن ودسا 90 روپئی، سی فی کلو 151 روپئی آن ودسا 470 روپئی، بجلی فی یونٹ 11 روپئی آن ودسا 25 روپئی، گیس 600 روپئی ایم ایم بی ٹی یو آن ودسا 1400 روپئی ایم ایم بی ٹی یو، یوریا بوری نا نہاد 1380 روپئی آن ودسا 1918 روپئی(3 ہزار روپئی ٹی ہم بہامس)، مالی نسخان 2260 ارب روپئی آن ودسا 5600 ارب روپئی(گمانی)، واپاری نسخان 30.9 ارب ڈالر آن ودسا 43 ارب ڈالر، جی ڈی پی و خراج نا کچ 11.1درسد آن ودسا 9.2 درسد، حکومتی وام 1947ء آن ہلیس 2018ء اسکان 24953 ارب روپئی آن ودسا مسہ نیم سال اٹی 42745 ارب روپئی، بے روزگار آتا کچ 35 لکھ آن ودسا 95 لکھ روپئی مس یعنی ملک اٹی 60 لکھ بے روزگار آتا ودکی مس۔ ہندا وڑ ٹرانسپرنسی انٹرنیشنل نا کرپشن آ سیپشن انڈیکس رینکنگ 117 آن 140 مس، کرپشن اٹی 23 درسد ودکی مس۔ چار سال اٹی نیزگاری نا لکیر آن شیف بندغ آتا کچ اٹی 2 کروڑ بندغ بشمول 1.3 کروڑ چناتا ودکی مس۔
