لاڑکانہ۔ 16 مئی (اے پی پی) بنجائی وزیر تخفیف نیزگاری و راجی رکھ شازیہ عطا مری کراچی نا علاقہ صدر اٹی دھماکہ نا واقعہ غا است ہسونی نا درشانی ءِ کرسا دانا ترند انگا لوز آتیٹی مذمت ءِ کرینے۔ شازیہ مری تینا اسہ بیان اسے ٹی پارے کہ کراچی نا علاقہ صدر، مرشد بازار اٹی دھماکہ نا است ہسون واقعہ نا ترندی اٹ مذمت ءِ کینہ و ملک اٹی داوڑنا دہشت گردی نا ڈوہدار گام گیج آتے مسترد کینہ۔ بنجائی وزیر نا پاننگ ئس کہ ملک انا امن ءِ بھس کروک و کسبی ڈوہدار تا برخلاف بے پرخ سخت کارروائی کننگک۔ اودھماکہ ٹی زوال کروک آ بندغ آتیکن بخشش و خاہوت کن صبر وجمیل نا دعا کرے۔ اودھماکہ ٹی ٹھپی مروک آتا زوت دراخ جوڑی کن ہم دعا کرے۔
