اسلام آباد۔ 16 مئی (اے پی پی) مچ آ ملک اٹی 24 گھنٹہ ٹی 14 ہزار 929 کورونا ٹیسٹ کننگانے۔ دوشنبے نادے آ این آئی ایچ نا کنڈآن جاری ٹویٹ اٹی شیئر کروک آ حساب وکتاب نا رداٹ تدوک آ 24 گھنٹہ ٹی 14 ہزار 929 کورونا ٹیسٹ کننگانے ہرافتیان 102 بندغ آتا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آمثبت کورونا ٹیسٹ انا کچ 0.68 درسد ئسک۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 115 ناجوڑ آتاحالیت نازرک ءِ۔
