اسلام آباد۔ 16 مئی (اے پی پی) پولیو نا پوسکن آ کیس آتا رداٹ 23 مئی آن مچ آ ملک اٹی قومی انسداد پولیو مہم بناکیک۔ انسداد پولیوپروگرام ناکمامدارآتا رداٹ پولیو نا پوسکن آ کیس آتا مون آ بننگ آ مچ آ ملک اٹی قومی انسداد پولیو مہم نا 23 آن 29 مئی اسکان بناءِ کننگک۔ دامہم اول منہ علاقہ غاتسکان محدود تخنگاسس ولے داسہ دامچ آ ملک اٹی چلیفنگک۔ اوپارے کہ حکومت پولیو نا چٹفنگ کن سنبرینگوک ءِ۔ پولیو نا چٹفنگ کن ہرممکن گام گیج کننگک۔ اوپارے کہ پولیو نا چٹفنگ کن گچین و مربوط حکمت عملی اس جوڑ کرینن۔ اوپارے کہ حکومت ملک ءِ پولیو آن پاک کننگ کن پبی جہد کننگ ءِ۔ اولمہ و باوہ غاتیان خواست کرے کہ تینا چناتے پولیو مہم اٹی پولیو نا پڑی ضرور کنفر۔ سول سوسائٹی، میڈیا و عالم دینک ہم پولیو نا چٹفنگ کن گچین کڑد ادا کیر۔ پولیو نا چٹفنگ کن ننے غٹ ءِ اواری اٹ کاریم کروئی مریک۔ اوپارے کہ پولیو نا چٹفنگ ننا مذہبی و اخلاقی فرض ءِ۔
