اسلام آباد۔15مئی (اے پی پی): مزن وزیر شہباز شریف ءَ شمالی وزیرستان ءِ دمگ میرانشاہ ءَ بوھوکیں ارش ءَ سیکورٹی فورسز آنی سئے کارندہ آں ھوار 6 مردم بیران بوتگ ایشی ءِ پد ءَ ڈکھ ءُ اپسوزیش ءِ درشان کتگ ءُ آماچیں ھاندان ءَ گوں دلپدردی ءِ درشان کتگ۔ مزن وزیر کارگس ءِ میڈیا ونگ ءِ رد ءَ مزن وزیر ءَ میران شاہ ءَ وت کشیں تراک ءَ را مذمت گران ءَ لانس حوالدار زبیر قادر، سپاہی عزیز اصفر ءُ سپاہی قاسم مقصود ءِ شہید بوھگ ءِ پد ءَ اپسوزی ءِ درشان کتگ ءُ آوانی قربانی آناں توسپ ءُ ستا پیش کتگ۔ مزن وزیر ءَ محمد شہباز شریف ءَ وت کشی ءَ شہید بوھوکیں زھگ 4 سالی انعم، 8 سالی احسن ءُ 11 سالی احمد حسن ءِ گس ءِ مردم آں گوں دلی یکوئی ءِ درشان کتگ ءُ گوشتگ کہ کودکیں زھگ آنی کشندہ اسلام ءُ بنی آدم دوست دوئیں آنی دژمن انت ءُ اے ناشرکار آنی ھمک رنگ ءَ شوہازگ ءُ پنجگ کنگ بیت۔ مزن وزیر ءَ گوشت کہ پاکستانی فوج مئے تاریخ ءِ جوانیں در ات، وتی شہید آنی سر ءَ سرجمیں راج ءَ را پھر انت، مزن جگری مئے فوج ءِ جوانیں روایت ات مئے شہید آں ایشرا یک شل ءَ داشتگ، مزن وزیر ءَ دعا کت کہ اللہ پاک شہید آنی درجگ آناں برز ءُ بلند کنات ءُ گس ءِ مردم آناں سگ ءُ اوپار کشی ءِ زکت ءَ بدیات۔
