لاہور۔ 14 مئی (اے پی پی) لاہور نا احتساب عدالت منی لانڈرنگ ریفرنس آ سماعت ءِ 25 مئی اسکان پدبٹسا شہباز ریف نا اسہ دے انا حاضری معافی نا درخواست ءِ منظور کرے۔ عدالت بروک آ سماعت آ غٹ دوبہ دار آتے بٹنگا۔ احتساب عدالت نا جج نسیم احمد ورک کیس انا سماعت ءِ کرے۔ ہفتہ نادے آ سماعت آ وزیراعظم شہباز شریف نا کنڈآن حاضری آن استثنیٰ نا درخواست جمع کرفنگا، عدالت ءِ پاننگاکہ وزیراعظم درمان نا غرض اٹ پیشن نا ملک آ ہنانے ہراکان او یواے ای نا صدر نا کزیت آ ہڑزخواہی کن دبئی آ کاہک، حاضری معافی نا درخواست ءِ منظور کننگے، وزیراعلیٰ پنجاب حمزہ شہباز حاضری ءِ پورو کرفے۔ عدالت شہباز شریف نا وکیل ءِ پارت کرے کہ اونا آخبتی حاضری معافی و پلیڈرمقرر کننگے، بروک آ سماعت آ شہباز شریف پیش مرسا تینا پلیڈر ءِ مقرر کے۔ شہباز شریف نا وکیل عدالت ءِ باور کرفے کہ بروک آ سماعت آ شہباز شریف پیش مریک، عدالت شہباز شریف نا حاضری معافی نا درخواست ءِ منظور کرسا سماعت ءِ 25 مئی اسکان پد بٹے۔
