اسلام آباد۔ 14 مئی (اے پی پی) بنجائی وزیر حوالکاری و شینکاری مریم اورنگزیب پارینے کہ عمران خان و اونا جماعت مسیحی برادری نا مذہبی جوزہ غاتا شرف ءِ کیر،نالائخ، فاشٹ، کرپٹ و دُز آتے الس جلسسہ کن جاگہ تننگ خواپک تو اوٹی حکومت ہراکان بس؟ اگہ الس اوفتے جلسہ کن نجی ملکیتی جاگہ تننگ کن تیار اف تو اوٹی وزیر داخلہ رانا ثناء اللہ نا انت قصور ءِ؟ عمران نیازی خواہک کہ رانا ثناءاللہ زور و زوراکی اٹ نجی ملکیت آ جلسہ نا بست وبند ءِ کرفے، الس عمران خان نا غلام اف، حکومت کانود نا رداٹ ہموجاگہ ءِ عمران نیازی ءِ جلسہ کن تننگ کپک ہرانجی ملکیت ءِ۔ ہفتہ نادے آ تینا اسہ بیان اسے ٹی اوپارے کہ مسیحی برادری تینا جاگہ ءِ جلسہ کن تننگ کن تیار اف انتئے کہ دا جاگہ عبادت کن جتا ءِ۔ مریم اورنگزیب پارے کہ عمران خان مسیحی برادری نا شرف ءِ کے، غنڈہ گردی کپ۔ اوپارے کہ مسیحی کمیونٹی برانز کننگ ءِ، حکومت اوفتا برانز ءِ گوجالنگ کپک۔ اوپارے کہ عمران نیازی مذہبی خار تالان کرسا داجاگہ غا انت اکن جلسہ کننگ کن ضد کننگ ءِ۔ اوپارے کہ پی ٹی آئی ءِ گورنمنٹ مرے کالج گراؤنڈ و اسپورٹس جمنازیم پسرور آ جلسہ کننگ نا سلاہ ءِ انت اکن امنا اف؟ دانا ساف مطلب ءِ کہ عمران نیازی بیرہ راگ کننگ خواہک، اونا مسخت بیرہ تماشہ کننگ ءِ۔ اوپارے کہ مسلم و غیر مسلم مذہبی سرکڑدہ غاک عمران نیازی ءِ پہہ کیر کہ مسیحی برادری نا جوزہ غاتا شرف ءِ کے۔
