اسلام آباد۔ 14 مئی (اے پی پی) حج 2022 نا آپریشن نا رداٹ سرکاری اسکیم نا سرسہب درخواست گزار آتا گچین کاری کن قرعہ اندازی پگہ (یک شنبے نادے آ )مریک۔ وزارت مذہبی امور نا رداٹ اینخو سال سعودی عرب آن جم وڑاٹ پاکستان ءِ 81 ہزار 132 بندغ آتیکن حج کوٹہ تننگا۔ وزارت مذہبی امور سلاہ ئی حج پالیسی نا ڈرافٹ اٹ دا سلاہ تسنے کہ دافتیان 60 درسد پرائیویٹ اسکیم و 40 درسد سرکاری اسکیم نا رداٹ پاکستانی حج انا فرض ءِ ادا کیرہ ولے دا فیصلہ حج پالیسی 2022 نا بنجائی کابینہ غان منظوری آن پد آن گڈیکو تصور مریک۔ حج قرعہ اندازی یک شنبے نادے بیگہ غا پی آئی ڈی ٹی مریک ہراٹی جم کوٹہ نا 40 درسد نا حساب اٹ کم و ود 32 ہزار سرسہب درخواست گزار آتا گچین کاری کننگک۔
