اقوام متحدہ۔ 23 اپریل (اے پی پی) اقوام متحدہ مقبوضہ فلسطینی علاقہ غاتیٹی یہودی بستی تا جوڑ جاڑ ئِ غیر کانودی گوندسا پارینے کہ دا چرجوئی ئِ دمدستی بند کننگے۔ اقوام متحدہ نا کوآرڈینیٹر نکولائی ملادینوف پارینے کہ اسرائیل گدرینگوک آ تُو دیکی کنارہ نا علاقہ ٹی پوسکنئُ بستی اس جوڑ جاڑ کننگ نا پڑو کرینے و فلسطینی تا سد آ ایکڑ ڈغار تے ضبط کرینے۔ اوپارے کہ اسرائیل نا دا گام دیکی کنارہ نا فلسطینی آبادی تا نیام اٹ رخنہ اندازی نا کوشست اسے۔ اوغزہ ٹی جاری انسانی تنکی آ گڑتی نا درشانی ئِ کرسا پارے کہ غزہ ئِ ہردے شش گھنٹہ آن ہم کم بجلی تننگک ہرا بے کچ گڑتی نا سوب ئِ۔ یات سلے کہ اسرائیل 2006ءآن غزہ نا محاصرہ ئِ کرینے۔
