اسلام آباد۔ 13 مئی (اے پی پی) بنجائی وزیر حوالکاری و شینکاری مریم اورنگزیب پارینے کہ پاسپورٹ ایکٹ 1974ء نا رداٹ اسٹ آن زیات پاکستانی پاسپورٹ آتے منسوخ کننگک، بنجائی کابینہ نا 10 مئی 2022ء نا دیوان اٹی پاسپورٹ ایکٹ 1974ء نا رداٹ اسٹ آن زیات پاکستانی پاسپورٹ آتے منسوخ کننگ نا منظوری ءِ تننگا ، درملکی پاسپورٹ آتے منسوخ کننگ نا خبر غلط رپورٹ مسنے۔ جمعہ نادے آ تینا وضاحتی بیان اٹی اوپارے کہ اِرا پاکستانی پاسپورٹ تخنگ جرم اسے، اِرا پاکستانی پاسپورٹ منسوخ کننگ نا آخیریکوتاریخ 31 دسمبر 2022ء مقرر کننگانے۔ اوپارے کہ دافیصلہ نا اطلاق پیشن نا ملک شہریت یا درملکی پاسپورٹ آتیا مفک۔
