اسلام آباد۔ 13 مئی (اے پی پی) ڈپٹی اسپیکر قومی اسمبلی زاہد اکرم درانی حکومت ءِ پارت کرینے کہ او وزراء و وزارت آتون تعلقدار بڑزکو کمامدارآتا وقفہ سوج آتیٹی ایوان اٹی حاضری ءِ پک کیر۔ جمعہ نادے آ قومی اسمبلی ٹی وقفہ سسوج آتیٹی وزیر آک و وزارت آتا بڑزکو کمامدارآتا ساڑی مفننگ نا نوٹس ءِ ہلسا ڈپٹی اسپیکر پارے کہ وزارت آتا بڑزکو کمامدارآک وقفہ سوج آتیٹی داڑے بایدے ساڑی مریر۔ بنجائی وزیر مرتضیٰ جاوید عباسی پارے کہ وزارت پارلیمانی امور آن پارت جاری کننگ کن سرکلر جاری کننگاکہ وزیر آک ہم داڑے ساڑی مریر و وزارت نا بڑزکو کمامدارآک ہم دانگیا بریر۔ پارلیمانی ءِ اگہ تدوک آ چار سال اٹی بے توقیر کننگا، داسہ دا چرجوئی بایدے مف۔ ڈپٹی اسپیکر پارے کہ وزارت پارلیمانی امور دا پک کے کہ تعلقدار وزارت آتا بڑزکو کمامدارآک داڑے ساڑی مریر۔ ڈاکٹر فہمیدہ مرزا پارے کہ وزیر آتا اولیکو اِرا لینک خورک ءُ، اپوزیشن لیڈر نا تقرر مفننگ ءِ۔ ڈپٹی اسپیکر وزیر پارلیمانی امور ءِ پارت کرے کہ وزیر آتے پارت کے کہ وزیر آک داڑے بریر و سوج آتا ورندی ءِ ایتر داوڑ ایوان نا کارروائی چلینگپک۔
