گلگت۔ 13 مئی (اے پی پی) بنجائی سلاہکار امور کشمیر و گلگت بلتستان قمر الزمان کائرہ پارینے کہ گلگت بلتستان نا شونداری و شونداری کن تحریک انصاف نا حکومت نا چٹفنگ المی ءِ۔ اوداہیت ءِ گلگت اٹی میڈیا تون گپ وتران کرسا پارے۔ قمر زمان کائرہ پارے کہ عبوری آئینی صوبہ پیپلزپارٹی نا منشور نا بشخ ءِ اوڑآ عملدرآمد کن عملی گام گیج کینہ۔ اوپارے کہ گلگت بلتستان نا شونداری و شونہالی کن فیڈرل پی ایس ڈی پی نا غٹ ڈٹ آتا وخت آ پوروی کن گام گیج کننگک۔ قمرالزمان کائرہ پارے کہ گلگت بلتستان ءِ بڑزکو آب انا خولم فراوان کینہ۔ سوست بارڈر ہڑتوم آ کنڈآتا واپار کن ملنگ نا بابت زوت گام گیج کننگک۔ اوپارے کہ صدر عارف علوی حزب اختلاف نا کڑد ءِ ادا کننگ ءِ و اونا رویہ آئین و ادارہ غاتا برخلاف ہتک آمیز ءِ۔ بنجائی سلاہکار پارے کہ ششپر گلیشئر نا زہمی و زہمی روندو نا آبادکاری نا بابت بنجائی حکومت ہرممکن گام گیج کیک۔ گلگت بلتستان نا گورنر نا بابت ہم بھاز زوت فیصلہ کننگک۔ اوپارے کہ بھاز زوت گلگت بلتستان نا غٹ ضلع غاتا دمدستی دورہ ءِ کیوہ۔ داوخت آ قائد حزب اختلاف گلگت بلتستان اسمبلی و صوبائی صدر پیپلزپارٹی گلگت بلتستان امجد حسین ایڈووکیٹ و مسکوہی وزیراعلیٰ مہدی شاہ تون اوار پیپلزپارٹی نا اسمبلی نا باسک آک ہم اوڑتون اوار ئسر۔
