اسلام آباد۔ 13 مئی (اے پی پی) چیف آف دی نیول اسٹاف ایڈمرل محمد امجد خان نیازی دورہ آسٹریلیا ٹی انڈوپیسفک سی پاور کانفرنس 2022 اٹی بشخ ہلک۔ کانفرنس اٹی بیست ءُ یک می صدی ٹی انڈوپیسفک میری ٹائم ڈومین اٹی اسیجائی مسخت آتیا گپ وتران کننگا۔ ترجمان پاک بحریہ نا رداٹ کانفرنس نا بنداوی مسخت بحری سیکورٹی و سمندری چاگڑدی نظام نا بابت اسیجائی کوشست آتا اہمیت ءِ تالان کننگ ئس۔ کانفرنس اٹی 40 آن زیات بحری فوج آتا ڈل و 700 نا خڑک دفاعی کمپنی بشخ ہلکر۔ نیول چیف کانفرنس اٹی آسٹریلیا، فرانس، جاپان، کویت و اسپین نا بحری سروک آتون ہم اوڑدہی کرے۔ اوڑدہی تیٹی تین پہ تینی است خواہی نا امور و ہڑتوم آ کنڈآتا بحری کمکاری آ گپ وتران کننگا۔ ترجمان نا پاننگ ئس کہ نیول چیف نا دا دورہ غان کانفرنس اٹی شریک ایلو ملک آتا بحری فوج آتون علاقائی و جہانی کہول آ سمندری رکھ اکن ہڑتوم آ کنڈآتا کمکاری ءِ پین مون آ دننگک۔
