لاہور۔ 13 مئی (اے پی پی) لاہور ہائی کورٹ تحریک انصاف نا منحرف 25 پنجاب اسمبلی نا باسک آتا نابودی نا دائر درخواست آ سماعت ءِ بیدس کارروائی آن پد بٹے۔ جسٹس شجاعت علی خان نا رخصت آ مننگ نا سوب آن سماعت ءِ پد بٹنگا۔ عدالت نا روبرو پنجاب اسمبلی ٹی تحریک انصاف نا پارلیمانی لیڈر سبطین خان و ایلو باسک آک درخواست اٹی موقف اختیار کریر کہ راجہ صغیر، علیم خان، نعمان لنگڑیال، عظمیٰ کاردار تون اوار بیست ءُ پنچ اسمبلی نا باسک پارٹی پالیسی نا رداٹ چوہدری پرویز الٰہی نا مخ تفی ءِ کتور۔ داڑآ کارروائی کن الیکشن کمیشن تون رجوع کننگا ولے الیکشن کمیشن نابودی نا درخواست آ فیصلہ کتو۔ درخواست اٹی خواست کننگاکہ الیکشن کمیشن ءِ منحرف اسمبلی نا باسک آتا برخلاف کارروائی نا پرمان کننگے۔
