اسلام آباد۔ 13 مئی (اے پی پی) اپریل 2022 ء ٹی پیشن نا ملک پاکستانی تا کنڈآن 3.1 ارب ڈالر نا ترسیلات بس۔ اسٹیٹ بینک انا کنڈآن جاری حساب وکتاب نا رداٹ 3 ارب ڈالر آن زیات نا ترسیلات داتم اسکان اولیکو وار ملک اٹی بسنے۔ اپریل 2022ء ٹی ترسیلات تُو بہ تُو 11.2 درسد و سال بہ سال 11.9 درسد ودار۔ مالی سال 22ء نا 10 تُو اٹی ترسیلات جم وڑاٹ 26.1 ارب ڈالر اسکان سرمس ہراتدوک آ سال انا ہند امد انا نسبت 7.6 درسد زیات ءُ۔ اپریل 2022ء ٹی زیات تر زر سعودی عرب (707 ملین ڈالر)، متحدہ عرب امارات (614 ملین ڈالر )، برطانیہ (484 ملین ڈالر) و امریکہ (346 ملین ڈالر ) آن بس ۔
