اسلام آباد۔ 12 مئی (اے پی پی) وزیراعظم محمد شہباز شریف تون نیسلے نا ہیڈ آف کارپوریٹ افیئرز وقار احمد و جنرل منیجر عبداللہ جاوید ئسک اوڑدہی کریر ہراٹی نیسلے پاکستان اوغانستان اٹی نوکاپ نا زہمی تیکن وزیراعظم شہباز شریف نا پارت آتیا کمکی گڑا سرکننگ نا گام آ وزیراعظم ءِ خراج تحسین پیش کرے۔ پنچ شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ نیسلے واٹر نا کنڈآن حکومت پاکستان نا دا گچین گام اٹی تینا بشخ ءِ اوار کرسا 60 ہزار لیٹر کنوئی آ دیر اوغانستان اٹی ساڑی آ نوکاپ نا زہمی تیکن عطیہ کننگا۔ عطیہ کروک کنوئی آ دیر نوکاپ نا زہمی تے ناجوڑی تیان بچفنگ اٹ کمک فراوان کیک۔ وزیراعظم شہباز شریف نیسلے نا کنڈآن دا آسودہی کاریم ءِ ستاکڑزوک گوندا۔
