اسلام آباد۔ 12 مئی (اے پی پی) وزیر مملکت خارجہ امور حنا ربانی کھر پارینے کہ مسکوہی وزیراعظم عمران خان نا امریکی صدر ڈونلڈ ٹرمپ تون اوڑدہی آن پد بھارت نا کوزہ ٹی کشمیر نا آئینی حیثیت ءِ بدل کننگا، پاکستان اولیکو دے آن ڈرون جلہو آتا برخلاف ئس، خارجہ پالیسی فرد واحد اف بلکن ملک و الس نا فائدہ ءِ مون آ تخسا جوڑ کننگک، بھارت تون واپاری یا سفارتی تعلقداری ٹی ہچ وڑنا بدلی اس کننگتنے، پاکستان بھارت تون اوار غٹ ملک آتون گچین تعلقداری نا خواہندار ءِ ، خارجہ پالیسی نا بنداو ملک و الس نا فائدہ مریک، ایلو ملک آتون تعلقداری تا بنداو مسٹ میکو مملک اتون تعلقداری آ مفک۔ پنچ شنبے نادے آ قومی اسمبلی ٹی نور عالم خان و فہمیدہ مرزا نا کنڈآن چست کروک ٹک آتا ورندی ءِ ترسا حنا ربانی کھر پارے کہ پاکستان نا ایلو ملک آتون تعلقداری نا سیبو مسٹ میکو ملک اتون تعلقداری آ مفک۔ ڈونلڈ ٹرمپ اتون مسکوہی وزیراعظم نا اوڑدہی آن پدی بننگ آ اودے بخیر داوڑکننگا کہ دُن کہ او ورلڈ کپ ءِ کٹے برے۔ دادورہ غان پد کشمیر اٹی آئینی حیثیت ءِ بدل کننگا۔ بھارتی کمیشن نا حد بندی نا رپورٹ آ ہمو وخت پاکستان بھارتی سفارتکار ءِ بٹنگسا برانز کرے و مذمتی بیان جاری کرے۔ حنا ربانی کھر پارے کہ دنیا اگہ انسانی حق انا خلاف ورزی تا برخلاف بڑز کروک آتوار ءِ زیات بِنک تو نن ہندا چینل ءِ بایدے تینا کین۔ اوپارے کہ ڈرون جلہو نا برخلاف پاکستان اولیکو دے آن ئسک، خارجہ پالیسی کس اسے نا ضد، انا اف ، پاکستان نا فائدہ غاتے مون آ تخسا جوڑ کننگک۔ پیشن نا ملک آتیٹی روزگار کن تینا الس کن درگہ غاتے بند کننگ ، چندی ملک آتون تعلقداری نا خرابی خارجہ پالیسی نا بے سہبی مریک، تدوک آ دور حکومت اٹ داوڑ کننگا۔ امریکی عہدیدار بلکن کال کرے تو دا پاکستان نا حق اٹی ءِ۔ پاکستان و پاکستانی تا فائدہ کن خارجہ پالیسی اخس فائدہ مند مریک ہندا سرسہب خارجہ پالیسی ءِ۔ اوپارے کہ ننا کوشست ءِ کہ ننا خارجہ پالیسی ملک اسے نا برخلاف مف۔ مسکوہی اسپیکر ڈاکٹر فہمیدہ مرزا پارے کہ جمہوریت و آئین کن قائد حزب اختلاف نا مننگ المی ءِ۔ حقی اپوزیشن جی ڈی اے ءِ۔ ملک اٹی زرگزرانی تنکی ءِ ہرانہ۔ بلاول بھٹو ءِ شہباز شریف نا کابینہ نا بشخ جوڑ مننگ آ مبارکبادی ایتنہ۔ اوپارے کہ قرارداد گچین ءُ گام اس ئس ولے اپوزیشن ءِ ہم بایدے پت اٹ ہلنگوسس۔ ننے مخالفت برائے مخالفت کروئی اف۔ اوپارے کہ کشمیر اٹی انت اس کہ مننگ ءِ اوڑکن پارلیمان و پارلیمان نا پیشن امنائی سلاہ ودی کننگ نا گرج ءِ۔
