زرگزران نا خونی اینو مظلوم مننگ نا ناٹک کننگ ءُ، بیرہ زرگزران ءِ آخا دروغ انا سیاست ءِ ہم سہی کینہ، وزیر داخلہ رانا ثناء اللہ

اسلام آباد۔ 12 مئی (اے پی پی) وزیرداخلہ رانا ثناء اللہ خان پارینے کہ زرگزران نا خونی اینو مظلوم مننگ نا ناٹک کننگ ءُ، بیرہ زرگزران ءِ آخادروغ انا سیاست  ءِ ہم سہی کینہ۔ مسکوہی وزیر داخلہ شیخ رشید احمد نا بیان آ ردعمل نا درشانی ءِ کرسا اوپارے کہ ملک اٹ اِرا دروغ تڑ ءُ، اسٹ عمران خان و ایلو پنڈی نا شیطان۔ آئی ایم ایف تون معاہدہ عمران خان کرے۔ اوپارے کہ ہراسٹ قوم ءِ داحالیت آ سرکرے اونا بایدے مذمت ءِ کننگے۔ اوپارے کہ ڈالر ءِ بے لغام کننگ نا زموار عمران خان ءِ، چپراسی بنی گالہ ٹی خاچوک آ باس ءِ بش کریکہ تو اودے ٹی وی آن ڈالر نا نہاد نا ودنگ نا معلوم متوکہ۔ عمران خان ارسطو ءِ ہلے ہرا زرگزران ءِ لفٹ آ بڑزا درسا درسا مرک انا درگہ غا درے۔ الس ءِ کبینی ٹی ڈبیفوک آ عمران خان ءِ۔ اوپارے کہ زرگزران نا خونی اینو مظلوم مننگ نا ناٹک کننگ ءُ۔ بیرہ زرگزران ہی آخا دروغ انا سیاست ءِ ہم سہی کینہ۔