اسلام آباد۔ 12 مئی (اے پی پی) اسپیکر قومی اسمبلی راجہ پرویز اشرف حکومت ءِ پارت کرینے کہ بلوچستان اٹی بجلی نا لوڈشیڈنگ نا ویل آ دمدستی چکار کننگے۔ پنچ شنبے نادے آ قومی اسمبلی ٹی اسلم بھوتانی اعتراضی ٹک آ پارے کہ بلوچستان اٹی بجلی نا لوڈشیڈنگ ہژدہ ہژدہ گھنٹہ برجاءِ، بلوچستان نا گل زمین آ اِرا ہزار میگاواٹ آن زیات بجلی ودی مننگ ءِ، بلوچستان نا کل بجلی نا گرج 1800آن 1900 میگاواٹ ءِ۔ اگہ ہندا بجلی ءِ ننے تننگے تو ننا ویل ایسر مننگ کیک، لسبیلہ ٹی بیرہ اِرا گھنٹہ بجلی کشارگرآتے تننگک۔ اوپارے کہ مچ آ بلوچستان نا بجلی نا فراوانی ءِ پک کننگے۔ اسپیکر وزیر پارلیمانی امور ءِ پارت کرے کہ وزیر توانائی تون دا اہم باندات آ ہیت کننگے۔ وزیر پارلیمانی امور مرتضیٰ جاوید عباسی باور کرفے کہ وزیر توانائی نا علم اٹ داہیت ءِ اتنگک وویل ءِ ایسر کننگک۔
