پاکستان نا آئین نا سربلندی، عزت و شرف  ہر ادارہ و بندغ آ المی ءِ، راجہ پرویز اشرف

اسلام آباد۔ 12مئی (اے پی پی) اسپیکر قومی اسمبلی راجہ پرویز اشرف پارینے کہ پاکستان نا آئین نا برخلاف کاریم اس ننا سالمیت، قومی یکجہتی، جمہوریت و ملک پاکستان کن خطرہ اس جوڑ مننگ کیک، وزیر خارجہ نا کنڈآن پارلیمانی کمیشن نا جوڑ کننگ نا سلاہ غا آئین و کانود نا رداٹ فیصلہ کننگک۔ پنچ شنبے نادے آ وزیر خارجہ بلاول بھٹو زرداری نا چست کروک ٹک آتیا رولنگ ترسا اسپیکر پارے کہ آئین پاکستان نا سربلندی، عزت و شرف ہر ادارہ و بندغ آ المی ءِ۔ داڑتون گنڈوک مننگ بنداوی شڑت ءِ۔ آئین پاکستان نا برخلاف کاریم اس ننا سالمیت ، قومی یکجہتی، جمہوریت و ملک پاکستان کن خطرہ اس جوڑ مننگ کیک۔ ادارہ یا بندغ اسے دا موکل تننگ مفک کہ اوآئین آ جلہو کے۔ وزیر خارجہ نا کنڈآن پارلیمانی کمیشن نا جوڑ کننگ نا سلاہ غا آئین و کانود نا رداٹ فیصلہ کننگک۔