وزیراعظم شہباز شریف نا اسرائیلی فوجی تا دوتے اٹ الجزیرہ ٹیلی ویژن نا صحافی شیریں ابوعقلہ نا خون نا مذمت

اسلام آباد۔ 11 مئی (اے پی پی) وزیراعظم شہباز شریف اسرائیلی فوجی تا دوتے اٹ الجزیرہ ٹیلی ویژن نا صحافی شیریں ابوعقلہ نا خون نا ترندی اٹ مذمت ءِ کرینے۔ چارشنبے نادے آ تینا ٹویٹ اٹی وزیراعظم پارے کہ مظلوم بندغ آتا خبر تروک آتوارتے چپ کننگ اسرائیل و بھارت نا کنڈآن فلسطین و مقبوضہ کشمیر اٹی اختیار کروک آ سجفوک ءُ حکمت عملی اسے بشخ اسے۔